სკოლა-ლიცეუმი პრომეთე, ტრადიციულად ეროვნული ბანკის ფინანსური განათლების პორტალის "ფინედუს" მიერ ორგანიზებულ ყოველწლიურ ღონისძიებაში #მოიწვიეფინედუკლასში ჩაერთო, რომელიც დაზოგვის მსოფლიო დღის კამპანიის ფარგლებში დაიგეგმა.

ამჯერად ფინედუს დესპანი, ქალბატონი მაია მარქარაშვილი, მე-7³ კლასის მასწავლებელმა ლიკა აბუაშვილმა მოიწვია.

ღია გაკვეთილი თამაშით სწავლების მეთოდს ეფუძნებოდა და ახალი სამაგიდე თამაშის „ფინანსური ასოციაციობანას“ გამოყენებით ბავშვებს ფინანსური ტერმინების გაცნობის შესაძლებლობას აძლევდა.

აღსანიშნავია, რომ ახალი ტიპის ღია გაკვეთილები თბილისის მასშტაბით 18 ნოემბერს დაიწყება, ჩვენი სკოლა კი ამ პროეტის საპილოტე ეტაპზე ჩაერთო და პირველი იყო, რომელსაც ამ ტიპის გაკვეთილი ჩაუტარდა.

მოსწავლეების უკუკავშირმა აჩვენა, რომ თამაში საინტერესო და სახალისოა და სხვა სკოლის მოსწავლეებსაც წარმატებებს უსურვებენ, მასწავლებლის აზრით კი თამაში არა მხოლოდ ფინანსურ ტერმინებზე იძლევა ინფორმაციას, არამედ მოსწავლეებს ზოგად ლექსიკასა და შემოქმედებით უნარებსაც უვითარებს.